Яңгырлар дәвам итә әле...

Алдагы өч көндә Башкортстанда яңгырлы һава торышы сакланачак, дип хәбәр иттеләр Башгидрометеоүзәк үзәгендә.

Синоптиклар әйтүенчә, бүген шулай ук яңгырлар ява, урыны белән көчле. Кайбер районнарда көчле яшенле яңгырлар көтелә. Җил төньяк-көнбатыштан уртача. Көндез +14, +19 градус.

Пәнҗешәмбе көнне, 15 августта, шулай ук яңгырлар... Җил көнбатыштан, төньяк-көнбатыштан уртача. Температура төнлә +8,+13, көндез +13, +18 градус булуы көтелә.

Җомга көнне, 16 августта, һава торышы үзгәрмәячәк. Җил көнбатыштан, төньяк-көнбатыштан уртача. Төнлә +8, +13, көндез +13, +18 градус тәшкил итәчәк.