«Яшьләрне торак белән тәэмин итү» программасы эшләп килә

Районыбызда яшь гаиләләрнен торак шартларын яхшырту максатыннан, «Яшьләрне торак белән тәэмин итү» программасы эшләп килә.

Бу программада катнашунын төп шарт булып ир белән хатынга 35 яшь тулмаган, гаилә яши торган торак 18 кв. метрдан артмаска, ипотека кредиты алган очракта түләп барырга мөмкинлеге булырга тиеш.

Әлеге программада катнашучы гаилә Татарстан Республикасының теләсә-кайсы почмагында йорт төзергә яки фатир сатып алырга хокуклы.

Механизмы: беренчел, икенчел базарларда торак сатып алуга, төзелеш подряды шартнамәсе аша йорт төзүгә, ипотека кредитын (исәпкә куелганнан соң алынган) каплауга яшь гаиләгә торак хакыннан 30% (баласыз гаиләләргә) яисә 35% (балалы гаиләләргә) күләмендә түләүсез субсидия бирү.

Өстенлек чиратка өч һәм аннан да күбрәк баласы булган күпбалалы гаиләләргә бирелә, шулай ук балалары булган тулы булмаган гаиләләр (бер ата-ана) катнаша ала.
Барлык мәгълүматлар буенча сорауларны 8(84368)2-45-96 номерына шалтыратып яки район башкарма комитеты яшьләр эшләре һәм спорт бүлегенә (221 бүлмә) мөрәҗәгать итәргә була.

#ЖильеМолодымРТ