Җир — безнең йортыбыз дигән девиз Балтач балаларын берләштерде (фото)

Ильнур, 27 апрель 2017 - 08:28

2402

Һәрберебез быел экология елы булуын һәм табигатебезнең чисталыгы белән хәлләрнең кискен торуын яхшы аңлый. Районыбыз күләмендә чисталыкка карата кешеләрдә никадәр генә уңай тәэсир булдырып, тирә-юнебезне хөрмәт итәргә өйрәтсәк тә, әлегә кадәр үз туган җирләренә салкын карашлы булган кешеләр дә бар.

Җир — безнең йортыбыз дигән девиз Балтач балаларын берләштерде (фото)

Әлеге теманы балалар арасында күтәреп, аларның да карашларын, фикерләрен белер өчен «Хыял» үзәге хезмәткәрләре «Җир - безнең йортыбыз» дигән рәсемнәр конкурсы игълан итеп, шушы көннәрдә аның җиңүчеләрен билгеләде.

Конкурска килгән 59 рәсем арасыннан җиңүче булып Шамил Габдуллин танылды. Икенче урында Рамил Заһидуллин, ә өчтә - Марат Весленев. Җиңүчеләр бүләкләр һәм дипломнар белән бүләкләнеп, әлеге чарадан сөенеп һәм киләчәктә табигатькә карата тагын да игътибарлы булырбыз, дигән уйлар белән кайтып киттеләр.