“Иске сарайлардан куркып яшибез”

“Безнең өй артында күптәнге иске сарайлар тора, – дип шалтыраталар безгә Балтач бистәсе, Ленин урамының 17нче йортыннан. – Инде тәмам тузып беткәннәр. Өйдән дә бик ямьсез булып күренеп торалар, килгән кунак алдында да шундый уңайсыз. Хәзер бит бик культурный заманда яшибез, искене яңартырга гына торабыз. Тик менә бу сарайларга гына игътибар итүче юк. Вакытында сүтсеннәр иде аларны. Янгын чыга калса, ничә гаилә зыян күрәчәк бит. Коммунальныйга мөрәҗәгать иттек, җыелыш җыярга, ак йорттан кеше чакыртырга кирәк, ди. Бәлки шулайдыр да, әмма бер генә оешманың да гозеребезгә уңай җавап бирәсе килми. Югарыдагы җитәкчеләр ишетсен иде безне, шул иске-москыдан, әйләнә-тирәлеккә куркыныч тудыручы, шөккәтсез сарайлардан арындырсыннар иде”.