Июньдә өстәмә ике ял көне көтә

Русиялеләрне бу айда, Русия көнен бәйрәм итү һәм 24 июньне ял көне дип игълан итү уңаеннан, ике кыска эш атнасы көтә, дип хәбәр иттеләр.

Элегрәк Русия Президенты Владимир Путин Бөек Ватан сугышында Җиңүнең 75 еллыгы уңаеннан планлаштырылган парад һәм салют белән бәйле рәвештә, 24 июньне ял көне дип игълан иткән иде.

8-11 июньдә кыскартылган эш атнасы һәм озын яллар русиялеләрне 12 июнь - Русия көнен бәйрәм итү уңаеннан көтә.

Моннан тыш, Президент указы нигезендә, 24 июнь хезмәт хакы саклап калына торган ял көне дип игълан ителде.

«Шулай итеп, 22-23 июньдә һәм 25-26 июньдә эш көннәре булачак. Ял көнен игълан итү хезмәт хакы күләмендә чагылмый, хезмәткәрләрнең айлык хезмәт хакы кимеми», — дип аныклыйлар Русия Хезмәт һәм социаль яклау министрлыгында, дип яза Кызыл таң.

Автор: Резеда Галикәева