Кара бетчәләрне ничек бетерергә?

Автор, 16 март 2022 - 21:21

2398

Кара бетчәләрне фәндә “ачык комедон” дип йөртәләр. Сәбәбе — тиредә май бизләре тыгылу. Тире коры яки нормада булганда, ул сизелми.

Кара бетчәләр чыкканда, кершән, крем, гомумән, косметика белән сак булырга кирәк, ул хәлне тагын да катлауландыра ала. Һәр кич битне косметикадан чистартыгыз. Туклануны үзгәртегез, гормоннарны тикшертегез. Тестостерон (ир-атлар гормоны) күп булганда, тир бизләре активрак эшли.

Кара бетчәләрне бетерү өчен, ярты лимон согына 3-4 тамчы бал кушарга кирәк. Әлеге катнашманы проблемалы урыннарга ышкып, 5 минут тотыгыз һәм салкын су белән юыгыз.
3 аш кашыгы катыкка 10 тамчы лимон согы тамызырга. Биткә сөртеп, 20 минут тотарга. Битлекне салкын су белән юарга.