Кавын-карбыз җылы якта гына үсми

Чутай авылында яшәүче, кул, бакча эшләре белән атказанган Гөлзифа апа Нәҗипова бакчасында менә нинди гигант кабаклар һәм сусыл-тәмле карбыз-кавыннар үскән!  Тормыш иптәше Рәис абый кабак галиҗанәпләре янына ятып фотога да төшкән.

— Якшәмбе көн кабак уңышын җыйнап алдык. Үзебезгә насыйп булсын. Мондый коры елны шуның хәтле уңган. Су да сипмәдек бит.

Буласы булса, Аллаһ бирә бит. Йорт хуҗабыз бигрәк канәгать әлеге уңышыбыздан, әлеге хезмәтебездән. Кавын-карбызын да җыярга булдык. Иииии, алары да бик уңды, җәмәгать. Күңел ышана торган түгел. Ул уңышының күплеге, ул сусыл, ул татлы. Үзебезгә насыйп ризыклар булсын, дип яза Гөлзифа апа үзе дә.

Фото: шәхси архивтан