Кайсы илгә ялга курыкмыйча барырга була?

Автор, 16 июль 2020 - 21:26

3047

Элекке баш санитар табиб Геннадий Онищенко сәяхәт итү өчен иң хәвефсез илне атады.

Кайсы илгә ялга курыкмыйча барырга була?

Хәзерге вакытта сәяхәт итү өчен иң хәвефсез ил — Кытай. Дәүләт думасының Мәгариф һәм фән буенча комитеты рәисенең беренче урынбасары, элекке баш санитар табиб Геннадий Онищенко шулай дип белдерде. Бу хакта РИА Новости агентлыгы хәбәр итә.

“Анда авыручылар саны башка илләргә караганда иң азы — 1000 кешегә нибары 5,8 кеше туры килә”, — диде ул. Аның сүзләренчә, Һиндстан буенча да шуны ук әйтергә мөмкин, әмма анда бармавың хәерлерәк, чөнки бу илдә сәламәтлек саклау системасы Кытайдагыга караганда начаррак.

Онищенко билгеләвенчә, хәзер Европа илләренә юл ачылды, чираттагы ял вакытында берәр илгә барып кайтырга мөмкин. Шул ук вакытта, табиб һәр илдә авыручылар санына бәйле статистиканы исәпкә алырга кирәклеген ассызыклый, дип яза Кызыл таң.