Көекнең нәни китап сөючеләре ветераннарда кунакта

Шул уңайдан, 6 май көнне китапханә тарафыннан акция игьлан ителеп, авылның иң нәни китап сөючеләре белән бергә кадерле тыл ветераннары - Ситдика апа Фәсхетдинова, Саҗидә апа Габдрахманова, Разыя апа Әлтәпова, Рауза апа Гәрәеваны хөрмәтләдек. Чәчкәләр бүләк итеп, җылы сүзләребез аша эчтәлекле китаплар тапшырып, «Георгий тасмасы» бирдек. Ә нәни дусларым үз чиратларында шигырьләре, җыр-биюләре белән аларны сөендерде. Яшь буын өчен мәңгелек киңәшләр һәм безнең якты киләчәк өчен гүзәл яшьлекләрен биргән бу кадерлеләребезгә баш иеп, олы рәхмәтләребезне җиткердек. Әлеге чара оешкан төстә, матур һәм файдалы үтте. Акция Аллаһы боерса, дәвамлы булыр дип ышанып каласы килә!