Кем дөрес ашамый

Кыздырып ашый торган ризык дигәндә, күз алдына шашлык яисә инде хәзер популяр булган рәшәткәдә кыздырган ит килә. Ә инде яшелчәләрне кыздырып ашарга кирәк, дип без уйламыйбыз. Кайсы яшелчәләрне кыздырып ашау файдалы икән, карап китик әле:

Спаржа - витаминнарга бик бай, әмма аныӊ иӊ әһәмиятле өлеше — микроэлементларда, бигрәк тә анда кремний күп. Шулай ук хлор, фосфор, кальций, магний да җитәрлек. Ә алар организмда үзләштерелсен өчен спаржаны пешерергә яисә кыздырырга кирәк икән.

Бәрәӊгене дә бары кыздырып яисә пешереп ашарга тәкъдим ителә.

Помидорныӊ кыздырылганы яӊа өзелгәненә караганда күпкә файдалы икән.

Брокколи дигән кәбестәне пешермәсәӊ, файдасы юк дәрәҗәсендә.

Шпинатны пешерсәк С. витамины юкка чыга, әмма иӊ кирәкле кальций, магний һәм тимер элементлары нәкъ пешергәч кенә кеше организмы үзләштерерлек була икән.

Фото: pixabay.com/ru