Киләсе елга отпускны кайсы айда алу отышлырак?

Киләсе елга апрельдә, июньдә һәм декабрьдә отпуск алу отышлы, майда алу акча ягыннан файдалы түгел. Бу турыда РИА Новости экспертларга сылтама белән хәбәр итте.

«2022 елда отпуск алу өчен апрель һәм июнь файдалы. Гыйнварда озын яллар түләнә торган була. Май бәйрәмнәре арасында алу финанс ягыннан отышлы түгел», — ди белгеч Татьяна Голубева.

Ул май бәйрәмнәре арасында отпуск алмаска киңәш итә.

Галим Марина Буянова сүзләренчә, файда кешенең максатына карап билгеләнә. Кыш көне отпускны Яңа ел каникулларына кадәр яки каникулдан соң ук алырга кирәк. Бу очракта яллар бәйрәм көннәре хисабына озыная.

Эксперт бәйрәм көннәренә туры китереп отпуск алмаска киңәш итә.

«Яңа ел каникулындагы ун көннең барысы да бәйрәм көн түгел, бәйрәм көннәр өчен генә отпускка өстәмә ял көне бирелә. Аны отпускка кушарга яки башка вакытта кулланырга мөмкин», — ди ул.

Эксперт сүзләренчә, май бәйрәме белән дә шундый ук аналогия була.

Чыганак: Интертат ; фото: https://pixabay.com