Корбан гаете уңаеннан тәбрикләү сүзләре

Хөрмәтле райондашлар, мөселман дин кардәшләр!

Район советы, район башкарма комитеты һәм дә шәхсән үз исемемнән районыбызда яшәүче мөселман динендә булган һәркемне Корбан бәйрәме белән тәбрик итәм, имин дөньяларда бер-беребезнең кадерен белеп, татулыкта гомер кичерергә язсын дип телим!

Корбан гаете, Ислам динендәге башка бәйрәмнәр кебек үк, күркәм эшләр кылуны, рухи чисталыкка ирешүне һәм гөнаһларыбызны ярлыкауны гәүдәләндерә. Әлеге бәйрәм бигрәк тә авыруларга, бәла-казаларга юлыккан мөселман кардәшләребезгә, олы буын вәкилләренә, ятимнәр һәм мохтаҗларга битараф калмаска, аларга игътибар күрсәтергә чакыра. Дини бәйрәмнәребез дә районыбыздагы төрле милләт вәкилләре арасында гасырлар буена килгән дуслыкның ныклыгын, өлкәннәргә, мохтаҗларга карата ихтирамыбызның күңелләрдә саклануын ачык дәлилли.

Балтач районы халкын ихластан Корбан гаете белән тәбрик итәм. Һәрбарчабызга да күңел тынычлыгы, иман байлыгы, бәрәкәтле озын гомерләр телим.

Рамил Нотфуллин, Балтач муниципаль районы башлыгы