Корпоратив - флирт урыны түгел!

Декабрь - Яңа ел корпоративлары гөрләгән чор. Хезмәт коллективлары бергә җыелып бәйрәм итә, шатлана. Гадәттә, мондый чаралар коллективны туплый, берләштерә.

Бәйрәм бәйрәм инде ул! Туй гаепсез булмый, дигәндәй, "хилафлыклар" да булып китүе ихтимал. Статистика мәгълүматларына караганда, хезмәткәрләр арасында романтик бәйләнешләр, хыянәткә барулар, башлыча, корпоративларга туры килә.

Шуңа күрә гаиләдә ызгыш-талаш башланмасын, эштә йөз кызарырлык булмасын өчен бер кагыйдәне онытмагыз: корпоратив - флирт урыны түгел, ул эшлекле чара. Чамадан тыш "төшереп" алган хатын-кызлар да, кызмача, "бәйләнчек" ир-егетләр дә мондый бәйрәмне бизәми. Анда матур гына ял итеп, матур гына кайтып китүең хәерле.

Фото: pixabay.com/ru