Кукмара районының “Туган як” музеенда

Ильнур, 31 декабрь 2016 - 09:20

2398

Агымдагы елның 27 нче декабрендә «Социаль туризм» программасы кысаларында "Наз" социаль-тернәкләндерү бүлекчәсендә тернәкләнү узучы мөмкинлеге чикле кешеләр Кукмараның "Туган як" музеена сәяхәт кылдылар.

Музей экспозицияләре Кукмара районының ХIХ гасырга кадәрге тарихын сурәтли. Музейда Кукмара җирлегендә табылган археологик табылдыкларның күбесе көмештән ясалган һәм анда хатын-кызларның күптөрле бизәнү әйберләре куелган. Шулай ук биредә борынгы замандагы итек басу фабрикасы җитештергән әйберләр, 1970-1990 еллардагы Володин атлы эшмәкәр остаханәсендә ясалган бакырдан эшләнгән көнкүреш әйберләре урын алган.

Музейдан алган мәгълүмат барлык тернәкләнүчеләр күңелендә якты истәлекләр калдырды. Китәр алдыннан алар музей хезмәткәрләрен Яңа ел белән котлап, рәхмәтләрен җиткерделәр.