Кышка чәчеп калдыра торган сарымсакны кайчан утыртырга?

Сентябрь азагы - октябрь башы - Россия территориясенең урта полосасында кышка сарымсак утырта торган вакыт. Бу турыда "Челнинские известия" хәбәр итте.

Бу үсемлек кыраудан, салкын кыштан һәм язгы суыклардан курыкмый. Ләкин аны дөрес итеп утыртсаң гына, яхшы уңыш алып була.

2019 елгы Ай календаре буенча 27, 28, 29 сентябрьдә кышка сарымсак утыртырга ярамый. Сентябрьнең соңгы ял көннәре дә яңа туган ай чорына туры килә. Бу көннәрдә сарымсакны туфракка утыртмау хәерле.

Октябрьдә сарымсак утырту өчен яхшы көннәр күп булачак. 1, 2, 3, 4, 5, 6, 15, 16, 30, 31 октябрьдә утыртырга ярый.

Октябрьдә сарымсак утыртырга ярамый торган көннәр 27, 28, 29 октябрь, ай тулган көн - 14 октябрь. Бу көннәрдә сарымсак утыртмау хәерле.

Бу хакта тулырак: intertat.tatar

Фото: pixabay.com/ru