Кыстыбый

Камыр:
1 йомырка; 1 стакан сөт яки су; 50 г акмай; 1 бал калагы тоз; 1аш кашыгы майонез; он
⠀
Эчлек:
1 кг бәрәңге; 1 стакан сөт; 50 г акмай; 1 суган; тоз, борыч
⠀
Эш барышы:
⠀
1. Бәрәңгене тозлы суда пешереп сөзәргә. Кайнар сөт, акмай, тоз, борыч салып төяргә. Кыздырып суган салырга. Эчлекне тастымал белән төреп куярга.
⠀
2. Төче камыр әзерлибез. Савытка йомырка, сөт яки су, акмай, тоз салып болгатырга, бераз майонез салсаң йомшаграк була. Аннан он өстәп кулга ябышмый башлаганчы камыр басарга, 20 минут ял иттерергә.
⠀
3. Камырны бер ничә кисәккә бүлеп, юка итеп җәяргә. Җәемнәрне майланмаган табада ике ягында пешерергә. Суынмасын һәм кипмәсен өчен тастымал белән каплап куярга.
⠀
4. Җәемнәрнең яртысына җылы эчлекне ягып икенче ягы белән капларга.
⠀
5. Кыстыбыйны эрегән сыер мае белән майларга. Табынга җылы килеш чыгаралар.
 

Автор @rushaniya_tim.

https://vk.com/tatarshlari