“Үлемсез полк” акциясе авыл халкы күңелендә матур кичерешләр калдырды (фото)

Митингта җитәкчеләр, тыл ветераннары, мәктәп укучылары, авыл халкы катнашты. Аяусыз сугышта башларын салган авылдашларыбызны бер минут тынлык белән искә алдылар.Сугыш чорының авырлыклары, миллионнарча корбаннар хисабына яуланган бүгенге матур тормышның кадерен белергә чакырып, күп кенә өлкәннәребез яшь буынга үзләренең изге теләкләрен җиткерде. Ветеран укытучы Фәймә Зәкиева, авылдашыбыз Камал Сафин үзләренең хис-кичерешләрен, теләкләрен шигырь юлларына салганнар. Мәктәп укучылары катнашында уздырылган "Үлемсез полк" акциясе дә авыл халкы күңелендә матур кичерешләр калдырды.