Матурлыктан күзләр камаша

Сайтыбызда Төзүчеләр урамы башындагы кое төзекләндерелү хакында хәбәр иткән идек инде.

Кое янына матур итеп эскәмия дә ясап куйдылар. Су алырга килгәннәр, я булмаса үтеп китүчеләр өчен утырып хәл алырга менә дигән урын. Кое сап-сары бүрәнәләрдән эшләнгән. Биредән кеше өзелми. Нуретдин Хафизов та коены төзекләндерүгә көчләре кергән егетләргә су алган саен рәхмәтләр укый.

– Машинасы булмаган безнең шикелле кешеләргә, я булмаса ялгыз өлкәннәргә ярый әле кое бар дим. Көн саен кирәк кадәрен генә алып кайтып торабыз, – ди Нуретдин абый.