Май әреме җыеп калыгыз!
Безнең халыкта әрем үләне белән бәйле бик күп җырлар, шигырьләр, әйтемнәр бар. Бу үләнне, шулай ук, дару үләне итеп кулланып булганын да беләбез.
Дару өчен әремне яшь вакытта, чәчәк атмас борын, чәчәге белән бергә яки көпшә чыгармас борын җыярга кирәк. Әрем бик куәтле, хуш исле үлән. Әмма тәме бик ачы. Әремнең даруга кулланылышы һәм дару икәне борынгы заманнан мәгълүм.
Ул какырыкны чыгара, йөткертә, матдәләр алмашуын көйли, майларны яндыра, ябыгырга булыша. Эчтәге суалчаннарга, кортларга һәм күрем килмәгәндә гаҗәп файдалы үлән.
Яшь әремнең суын сыгып та һәм кипкәнен уып та кулланалар. Әгәр кипкәнен чәй кебек пешереп эчсәң, шулай ук яхшы. Бер шешә аракыга бер уч әрем яфрагы салып төнәтәләр, тәмам әрем тәме югалып беткәч кулланалар. Ашказаны авыртса һәм аппетит югалса, шушы төнәтмәне һәр ашау алдыннан яртышар чынаяк эчәләр, дип яза Кызыл таң.
Алдан табиб белән киңәшләшү мөһим!
Сәламәт булыгыз!
Фото: pixabay.com
Автор: Зөһрә Исламова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев