Мәрхәмәтле булганнары өчен иганәчеләргә “Наз” үзәге коллективы рәхмәт белдерә

"Мәрхәмәтлелек" дигән олы төшенчә бүгенге көндә кемнәргәдер ят тоелырга мөмкин. Ә кайберәүләр исә моны тормыш кыйбласы итеп алып, кешеләргә яхшылык эшләп, күпме мохтаҗларның күңелен күреп, тирә-юндәгеләргә шатлык өләшеп, аларның меңләгән рәхмәтләрен ишетеп яши бирә. Кеше алдында мактану, мөгез чыгару өчен генә эшләнгән ярдәм хакында сүз бармый әлбәтта. Ходай тарафыннан бирелгән олы җанлылык, кешелеклелек, мәрхәмәтлелек дигән сыйфатлар хас язмамның геройларына.

Сүзебез Чепьяда урнашкан Халыкка комплекслы социаль хезмәт күрсәтү "Наз" үзәгенең социаль-тернәкләндерү бүлекчәсе белән һәрдаим тыгыз элемтәдә булып, ярдәм итеп торучы хәйриячеләр хакында. Әлбәттә унбер ел эшләп килгән тернәкләндерү бүлекчәсе материаль яктан нык, ел саен 600 дән артык тернәкләнүчегә күрсәтелеп барган хезмәт нәтиҗәлелеге дә куандыра. Әмма замана белән бер аяктан атларга омтылган бүлекчә өчен эш нәтиҗәлелеген, материал торышын югары дәрәҗәдә тотарга һичшиксез хәйриячеләрнең ярдәме бик зарур.

Безнең ярдәм сорап язган хатларны җавапсыз калдырмаган, шәхси эшмәкәр Шәйхиев Рамил Рифат улына, "Кызыл юл" авыл хуҗалыгы продукцияләрен җитештерү кооперативы директоры Хәйруллин Фердинанд Нургаян улына, "Татарстан" авыл хуҗалылыгы продукцияләрен җитештерү кооперативы директоры Нотфуллин Айнур Рамил улына, Балтач җаваплылыгы чикләнгән "Агрохимсервис" җәмгыяте директоры Гыйләҗев Наил Рәуф улына, җаваплылыгы чикләнгән "Смәел" авыл хуҗалыгы җәмгыяте директоры Шакиров Илһам Мансур улына, җаваплылыгы чикләнгән "Борнак" җәмгыяте директоры Нәҗипов Рәфкат Нәкыйп улына сәламәтлек, хезмәтләрендә уңышлар теләп, изге гамәлләре өчен ихластан рәхмәтебезне җиткерәбез.

"Наз" үзәге коллективы