”Наз” бүлекчәсенә хәйриячеләр килде

Бу көндә Чепья гомуми белем мәктәбе директоры Сәйдәш Нурмиев, "Труд" күмәк хуҗалыгы директоры Рашит Хадиев, шәхси эшмәкәр Радик Закиров, "Кызыл юл" хуҗалыгы җитәкчесе Фердинанд Хәйруллин, "Кама" җәмгыяте җитәкчесе Рәкыйп Нәҗипов бүлекчәнең көтеп алынган кунаклары булдылар. Шулай ук очрашуда социаль яклау бүлеге җитәкчесе Алсу Гатиятуллина, "Наз" социаль хезмәт күрсәтү үзәге директоры Гөлнара Әхмәдиева да катнашты. Кунакларга бүлекчәдә барган яңа төр реабилитация ысуллары буенча мастер-класслар, курчак терапиясе кысаларында театр күрсәтелде һәм тернәкләнүчеләр белән әңгәмә уздырылды. Очрашу чәй эчү белән төгәлләнде.