“Наз”лар сезне көтеп кала

Ерак түгел Чепьябыз бар,
Дуслык сүзеннән алынган.
Чепьяның нәкъ тау башында
Оҗмах йорты салынган.

Бу йортның исеме “Наз” бит,
Назланып балкып тора.
Гүя ул һәрбер өлкәнне 
Үзенә тартып тора.

“Наз”ның балкыган нурлары
Эчкә дә кереп тулган.
Персоналларның барсы да 
Бик уңган һәм бик булган.

Матур-матур кызларыбыз
Халкыма хезмәт итә.
Аптырыйбыз: бөтен ял итүчегә дә
Назлары кайдан җитә?!

Даннары ерак таралды,
Шушма чикләрен үтеп.
Бөтен Татарстан халкы
Ярата Сезне үз итеп.

Минем сезгә теләгем шул –
Күңелле ял итегез.
“Наз”лар сезне көтеп кала
Үкенмәссез, килегез.

Рәшидә Фәйзуллина
Балтач авылы