Норма–Лызи маршрутын “таптыралар”

Халыктан кергән сорауларның күпчелеге Норма-Лызи маршрут автобусының тиешенчә йөрмәвеннән зарланалар. Ә инде лицензиясе булмау сәбәпле, вакытлыча туктатылуын белгәч, бөтенләй аптырашта калалар. Бигрәк тә аның булмавын Норма, Кариле, Кече Лызи һәм Балтач бистәсе халкы бик авыр кичерә. Автобус белән иртән эшкә килүчеләр, укырга йөрүче балалар, төшке ашка кайтып гадәтләнгән эшчеләр өчен шушындый карлы-яңгырлы, аяк асты пычрак көннәрдә җәяү йөрүләре бер дә җиңел түгел шул.