Нурлатта журналистларга һәйкәл куярга ниятлиләр
Шәһәрдә яшәүчеләр яңа стеланың эскизын әзерләүдә катнаша ала.
(Казан, 20 октябрь, «Татар-информ»). Нурлат шәһәрендә журналистлар хөрмәтенә һәйкәл куярга ниятлиләр. «Нурлат-информ» басмасы җитәкчесе Резеда Гиняева шундый инициатива белән чыккан, аны район башлыгы Алмаз Әхмәтшин да хуплаган. Бу турыда район басмасы хәбәр итте.
«Хәзерге вакытта стеланың эскизын әзерләү эше бара. Бу эштә Нурлатта яшәүче һәркем катнаша ала», - дип искәртә «Нурлат-информ».
Һәйкәлне Сәлимҗанов урамындагы скверда урнаштырырга ниятлиләр. Стела район гаммәви мәгълүмат чаралары юбилеена бүләк булачак. 2020 һәм 2021 елларда Нурлат телевидениесе үзенең 20 еллыгын билгеләп үтәчәк, ә «Дуслык» газетасы чыга башлаганга 90 ел тула.
Нурлат халкы һәйкәл эскизына бәйле идеяләре белән «Нурлат-информ»ның социаль челтәрдәге сәхифәсендә, redak@list.ru электрон почтасы яки 2-40-28 һәм 2-36-13 телефоннары буенча уртаклаша ала.
Фото: «Нурлат-информ»
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев