Полисларның җыйнаклануы ихтимал

Алдагы икесе җайлы гына паспорт куенына кереп утырса, соңгысы зур форматта бирелә башлады. Үзе юка, йөртергә читен. Уңайлысы да бар әлбәттә, каты карта формасында, тик анысы акча түләп үзеңне страховкаласаң гына бирелә, диләр райондагы белгечләр. Хастаханәдә иске полис белән йөрүчеләрне полисыгызны алыштырыгыз дип битәрлиләр, гәрчә кечкенәсенең уңайлы икәнлеген танысалар да, чөнки бик еш хастаханә юлын таптаучыларның полислары инде бөгәрләнгән, ертыла ук башлаган. Җәй айларында яңа полислар чыгуы ихтимал икән, әгәр мәгълүмат дөрес булса, җайсыз полисларны уңайлы дисконт карта формасындагы полислар алыштырырга мөмкин.

Фото: riaami.ru