Районыбызның хөрмәтле энергетиклары! Әлеге тармакта эшләүче хезмәткәрләр! Мөхтәрәм ветераннар!

Сезне һөнәри бәйрәмегез белән ихластан тәбрик итәм, эшегездә һәм дә гаиләләрегезгә иминлек, ныклы сәламәтлек телим.

Энергетика тармагы безне яктылык белән тәэмин итүче, һәм дә җылытучы тармак ул. Мизгел эчендә электр уты булмый торса, яшәешебез тукталып калгандай тоела. Чөнки хәзерге электроника заманында күп нәрсә электр утына, энергетикларыбызның фидакарьлегенә бәйле.

Хөрмәтле районыбыз энергетиклары! Үз эшчәнлегегезне һәрвакыт заман рухын тоеп, югары сыйфатлы итеп башкарасыз. Җитештерү предприятиеләрен, торак пунктларны электр энергиясе белән тәэмин итүдә хезмәтегез гаять тә зур. Кирәкле һәм җаваплы хезмәтегезне алга таба да рәхмәтләргә күмелеп, тазалык-тынычлык белән, уңышлы башкаруыгызны телим. Һәрбарчагызга да сәламәтлек, озын гомерләр насыйп булсын!

Балтач муниципаль район башлыгы Рамил НОТФУЛЛИН