Рәхмәт хисләремне җиткерәсем килә

Күптән түгел булган янгын афәте йортыбызга зур зыян китерде. Йорт-җиребезне иминиятләштергәндә икеләнүсез «Росгосстрах» компаниясенә мөрәҗәгать иткән идек. Бәхетсезлек очрагы бу компанияне сайлап ялгышмаганлыгыбызга инандырды. Чөнки ситуацияне өйрәнеп, тиешле документларны туплап, экспертизалар үткәреп, «Росгосстрах» компаниясе йортыбызга килгән зыянның тиешле булган суммасын тиз срокларда счетыбызга күчерде.

Аерым рәхмәтемне компаниянең җитәкчесе Айрат Шиһаповка, агент Гөлнур Ханнановага, менеджер Гүзәл Низаметдиновага җиткерәсем килә. Алар үз эшләренең чын осталары, чит кеше кайгысын йөрәкләре аша үткәреп, һәрвакыт ярдәмгә килергә әзер булулары белән хөрмәт казанган белгечләр.

«Росгосстрах» компаниясенең Балтач филиалы коллективына рәхмәтемне белдереп, хезмәтләрендә зур уңышлар телим.

Вәсилә Абдуллина, Норма авылы ; фото: pixabay.com