Рәхәтләнеп ял иттеләр.Кемнәр? (+фото)

Альбина Әскарова җитәкләгән 3 в сыйныфы укучылары елның һәр фасылында табигатькә чыгып, әти-әниләр белән бергәләп ял итә. Менә бүген дә алар бергәләп "Сабантуй" ял паркына чыкты. Сәяхәтләре беренче кар яуган көнгә туры килүен күрегез әле сез. Балаларның ничек шатланганын күрсәгез? Уйнап та күрсәттеләр! Ә ул арада әти-әниләр укытучылары Альбина Шәфкатовна, тәрбиячеләре Нурия Мәсхүтовна белән коймак пешерде, пылау әзерләде, самавыр кайнатты. Кыскасы, күз ачып йомганчы, мул табын кордылар. Саф һавада мәтрүшкәле чәй. коймак һәм пылаудан авыз итеп көннең узганын да сизмәделәр. 2019 елның беренче кары балалар күңелендә әле озак сакланыр. Хәер, бу көнне әти-әниләр дә тиз генә онытмас...