Россиядә иң киң таралган һөнәрләрнең юкка чыгу вакытын атадылар
Хәзерге вакытта сатучы-кассирлар Россиядә ихтыяҗ иң зур булган һөнәр санала
(Казан, 12 июль, «Татар-информ»). Бүгенге көндә Россиядә иң киң таралган һөнәрләр – машина йөртүче һәм сатучыларны ун елдан соң цифрлы сервислар алыштырачак.
«Югары икътисад мәктәбе» Илкүләм тикшеренү университеты ректоры Ярослав Кузьминов Сколково фән һәм технологияләр институтындагы белем бирү интенсивында шундый фараз ясады. Бу хакта ТАСС агентлыгы хәбәр итә.
Кузьминов сүзләренчә, хезмәт базарының трансформациясе эчпошыргыч акыл хезмәте элементларын алгоритмнарга алыштыру белән бәйле.
Ихтыяҗын югалтып баручы почтальон һөнәрен телгә алып, профессор ун елдан соң машина йөртүчеләр, каравылчылар, техник тәрҗемәчеләр һәм сатучыларның дүрттән өч өлешенең кирәге калмаячак дип искәртте.
«Татар-информ» агентлыгы моңа кадәр хәбәр иткәнчә, хәзерге вакытта сатучы-кассирлар Россиядә ихтыяҗ иң зур булган һөнәр санала.
Фото: скриншот
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев