Салым инспекциясендә үткән «Ачык ишекләр» көненә халык шактый килде

Инспекторлар гражданнарның һәр соравына анык җавап бирделәр, дистәләгән кешегә декларацияләр тутырырга ярдәм иттеләр. Бу чара вакытында электрон хезмәтнең дә популярлаша баруы күренде. Салым органнарында күп төрле электрон хезмәтләр күрсәтелә. Шуларның берсе - «Салым түләүченең шәхси кабинеты» сервисы. Аның аша үзеңнең салым буенча бурычларыңны, үзеңә тигән милек өлешләрен, аларга салынасы салымнар турында белә аласың. «Ачык ишек»ләр көнендә бу хезмәт белән кызыксынучы гражданнар да күп булды, күпләр әлеге сайтка теркәлеп үк кайтып китте.