Әсгать Сәфәров Татарстан журналистларын Россия матбугаты көне белән котлады
Татарстан Президенты Аппараты җитәкчесе массакүләм матбугат чаралары хезмәткәрләренә «һәрвакыт илһамланып эшләүләрен» һәм «яңа кызыклы проектлар» теләде.
(Казан, 13 гыйнвар, «Татар-информ»). Татарстан Президенты Аппараты җитәкчесе Әсгать Сәфәров республика журналистларын Россия матбугаты көне белән котлады.
«Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәевка юлланган телеграммада Әсгать Сәфәров массакүләм матбугат чаралары хезмәткәрләренә «һәрвакыт илһамланып эшләүләрен, яңа кызыклы проектлар, барлык башлангычларда уңышлар» теләде.
ТР Президенты Аппараты җитәкчесе Татарстанның күп гасырлык журналистлык традицияләре, сүз көче, медиа вәкилләренең югары профессиональ сыйфатлары белән горурлануын искәртте.
«Сезнең эшчәнлегегез әлеге традицияләрне саклап калуга һәм арттыруга лаеклы өлеш кертсен, Татарстан массакүләм мәгълүмат чараларының күпкырлы потенциалын арттыруга, республикада нәшрият эшен үстерүгә хезмәт итсен», — дип тәмамлады Сәфәров.
Элегрәк «Татар-информ» мәгълүмат агентлыгы Татарстан Дәүләт Советы Рәисе Фәрит Мөхәммәтшинның нәшрият, газета һәм журнал редакцияләре хезмәткәрләрен Россия матбугаты көне белән котлаганлыгын хәбәр иткән иде.
Фото: Рамил Гали
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев