Шәхси йортта янгыннан соң яшь егет мәетен тапканнар
Янгын Лаеш районы Татар Янтыгы авылының Мәктәп урамында булган.
(Казан, 21 декабрь, «Татар-информ»). Татарстанда янгын чыккан шәхси йортта бер егетнең мәетен табып алганнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә кичке сигезенче яртыда 101 янгын сагы номерына Лаеш районы Татар Янтыгы авылының Мәктәп урамында урнашкан шәхси йортта янгын чыгуы хакында хәбәр килгән. Ялкын йорт һәм сарайны чолгап алган, аның мәйданы 57 квадрат метр тәшкил иткән.
Адрес буенча килгән янгын сүндерүчеләр, янгынны күрше участоктагы шәхси йортка күчү ихтималын чамалаган. Беркем дә ярдәм сорап кычкырмаганга, алар өйдә кеше юк дип уйлаган.
Бүген иртән әлеге йортта бер егетнең мәетен табып алганнар. Янгында башка беркем дә зыян күрмәгән. Фаҗиганең сәбәпләре ачыклана.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев