Шодада декабрьдә үк чәчәкләргә "җан" өрәләр (+фото)

Шодада яшәүче Шакирҗановлар гаиләсе район халкын каз бибиләре, күркәләр белән генә тәэмин итеп калмый, чәчәкләр белән дә куандыра. Күпләребез җылы өйләрендә кышның матурлыгын тәрәзәдән генә күзәткән мәлдә, Сәүбән әфәнде белән Фирдания ханым сызганып чәчәк утырту өчен әзерлек эшләренә кереште.

Ел саен декабрь ае әлеге кәсепкә старт бирә, суганнарны яхшылап чистарталар һәм утырталар. Беренче лалә чәчәкләре гадәттәгечә Гашыйклар көнендә сатуга чыгачак. Сату географиясе дә елдан-ел киңәя. Элегрәк елларда Балтач, күрше районнарда гына сатылса, хәзер инде чиктәш респуликаларга кадәр сатарга дип озаталар икән.