Скандинавиячә йөрү күп райондашларның хоббие

Беренче күргән кешеләр өчен бу хәл хәтта аптырарлык та, чөнки кулларына чаңгы таяклары тоткан, ләкин аякларына чаңгы кимәгән бертөркем кешеләр нәкъ чаңгы шугандагы кебек итеп йөриләр. Кемгәдер кызык булса, бу шөгыльне үзенә хобби итеп алучылар аның иң беренче чиратта сәламәтлеккә файдалы булуын ассызыклый.Кемдер артык авырлыгын югалту өчен әлеге алымнан кулланса, кемдер кан басымын көйләүче итеп тә күрә. Саф һавада кимендә бер сәгать йөреп кайткач, йокы да уңаерак була, баш авыртуы да кими диләр Скандинавиячә йөрү белән шөгыльләнүчеләр. Дөрестән дә, кешенең сәерсенеп каравыннан курыкмыйча, үз сәламәтлегеңне беренче урынга куеп, көн дә саф һавада йөреп кайтуны үзеңә максат итеп куйсаң, файдасыннан башкасын күрмәссең шул. Моңа мисал итеп Карадуган авылының бер төркем апаларын китерер идем. Афәрин, туган авылыма кайтканда я киткәндә гел очратам мин аларны. Янәшәмдә фотога төшереп алырга фотоаппаратым гына булмый. Бәлки әлеге язмамны укыганнан соң үзләре үк төшереп җибәрерләр.

Чыганак: yandex.ru