Сул учыгыз кычытса - акчага...

Халыкта акча килүне “кисәтүче” юрамышлар бар. Шуларның берничәсен сезгә дә тәкъдим итәбез.

1.    Сул учыгыз кычыта икән — акчага.  Кулыгызны йомарлагыз да, кесәдә ачыгыз. Яисә агач әйбергә шул кул белән шакыгыз.
2.    Кош очып киткәндә киемегездә үз “таб”ын калдыра икән, озакламый акча керәчәк.
3.    Савыт-саба ватылса — бәхеткә. Ул акча рәвешендә дә килергә мөмкин.
4.    Иртән эш урынында шикәрле чәй түгелә икән, хезмәт хакыгыз артачак.
5.    Урамда вак акча таптыгыз икән, алыгыз. Ул акча сезгә башка акчаның “каналларын” ачуы ихтимал.
6.    Шикәр белән тозны бутау — финанс ягыгызның үсүен ишарәли.
7.    Кулыгыз киселеп, акчагыз канга буялса — эш хакыгыз күтәреләчәк.

Фото: pixabay.com/ru