Татарча окрошка ясау рецепты
Җәйге эсседә кайнар ашка бик тартылмый күңел. Нәкъ менә шундый көннәрдә салкын аш – окрошка ашыйсы килә! Ә аны татарча да ясап була. Рецепты болайрак.
Кирәк булачак (1 порция өчен): 300-350 г куас, 80-100 г пешкән ит, 50 г яшел суган, 50 г кыяр, 1 йомырка, 100 г катык, әз генә горчица, тоз һәм шикәр комы.
Эш барышы. Пешкән йомырка сарысын угыч аша уабыз да бераз гына горчица һәм шикәр комы кушып болгатабыз. Шуны куаска (өйдә әзерләнгән булса – тагын да яхшырак) салып, суыткычка куябыз.
Яшел суганны – ваклап, пешкән итне, кыяр, йомырка агын – токмачлап турыйбыз. Барысын бергә куаска салып болгатабыз һәм яңадан 30 минутка суыткычка озатабыз. Окрошканы тәлинкәләргә бүлеп, укроп сибәбез, катык белән табынга бирәбез.
Фото: smachno.ua
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев