Транспорт картасы аласызмы?

Халыкка пассажир хезмәте күрсәтүнең сыйфатын күтәрү, транспорт предприятиеләре эшенең нәтиҗәлелеген арттыру максатларында җәмәгать транспортында һәм шәһәр яны автомобиль транспортында йөрү өчен автоматлаштырылган түләү системасын кертү турында Карар кабул ителде.

«Социаль юл йөрү билеты»ннан файдаланучыларга яки алардан файдаланырга җыенучыларга «бердәм электрон социаль билет» исемле транспорт картасын алу өчен 1 ноябрьдән соң 13нче номерлы компенсацияләр түләү бүлекчәсе (Балтач, Һ.Такташ ур., 3а йорт) мөрәҗәгать итәргә кирәк. Үзегез белән паспорт булу зарур. Дүшәмбе, сишәмбе, пәнҗешәмбе, җомга 8.00 - 17.00, чәршәмбе 8.00– 11.45. Төшке аш вакыты – 11.45- 13.00.

Шунысы мөһим: транспорт картасы ташламалы категориядәге гражданнарга гына рәсмиләштерелә.