Төркиядә янгыннар аркасында эвакуацияләнгән туристлар кунакханәләргә кире кайтты
«Бодрумда беркем дә зыян күрмәде», — диде шәһәр мэры.
Төркиядә янгыннар аркасында эвакуацияләнгән туристлар кунакханәләргә кире кайтты. Бу хакта Бодрум шәһәре мэры Әхмәт Арас хәбәр итә, дип яза РИА Новости.
Арас аңлатканча, ул Россия, Германия, Украина консуллыклары белән һәрвакыт элемтәдә тора.
«Бодрумда беркем дә зыян күрмәде, эвакуация вакытында без барлык кешене дә диңгез буйлап алып чыктык», — дип сөйләде шәһәр башлыгы.
Элегрәк хәбәр ителгәнчә, Бодрум һәм Дидима районнарында янгыннар булган. Төркия авыл хуҗалыгы министрлыгы башлыгы Бәкер Пакдемирли сүзләренчә, илнең көньягында урман янгыннары нәтиҗәсендә дүрт кеше һәлак булган. Соңгы ике көндә илнең 17 провинциясендә барлыгы 58 урман янгыны теркәлгән.
Чыганак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев