Тукталышларга бәдрәфләр куйганнар

Бездә дип уйлый күрмәгез тагын...
Тирә-юнебезне чиста тотыйк дип тырышабыз, печәнен дә чабабыз, чүбен дә урнаштырабыз, әкренләп табигатьне чүпләмәскә дә өйрәнеп киләбез. Тик менә сәфәр чыккан адәм баласы бик кысталса, чисталык турында уйлап торалмый инде, аулак урын эзли. Аннан юл кырларын, тукталыш тирәләрен чистартканда “байлыкларга” юлыгуыбыз гаҗәп түгел. Дөрес, шәһәрара юлларда зур-зур комплекслар бар, аларда заманча бәдрәфләр дә урнаштырылган. Тик районара, авылара юлларда юк бит әле алар.Ә менә Байлар Сабасында олы юлга һәр тукталыш саен бәдрәфләр урнаштырылган. Дөрес, аны да чистартып торырга кирәк, әмма юлчыга керер урын бар, олы һәм кече йомышын табигатьтә калдырып, әйләнә-тирәне пычратмый.