Урман полосаларына чүп ташламагыз!

Бистәбезне чүп үләннәреннән арындыручылар "хастаханә микрорайоны"на барып җиттеләр, тик менә нишләптер елга тирәләрен калдырып китәләр, күрәсең, анысына җаваплылар башкадыр.Шул ук вакытта җиләкчеләр, гөмбәчеләр чүп калдыкларына юлыга тора. Җәмәгатьчелек активисты Ильмира Кузьмина, мәсәлән, капчыгы белән каты көнкүреш калдыкларына юлыккан, Казан юлы өстендә, басуга алып чыга торган юлның уң ягында ди бу күренеш. Афәрин инде, илтеп ташлаучыга, булдырган, табигатьне пычраткан, кешеләрнең гайратен чигергән, батырлык бит инде бу, чүп җыючылар барында, алар даими эшләр торганда шушындый кирелекне эшләп кара әле син?! Моны бөтен кеше дә булдыра алмас иде. Чүпкә түләмәсәң, һичьюгы башка кешенең чүбе янына куй инде, я булмаса урамның бер почмагына. Урам саен җыела бит чүп.