Ватык савыт куллансаң, нәрсә була?

Һәр өйдә ялгышып та, чынлап та савыт-саба ватылып тора. Күп кеше ватык-чатнаган савыт кайгы китерә дип әйтә. Нинди кайгы китерә икән ул? Әйдәгез, бу турыда Ислам китапларыннан карыйк әле.

Бу хакта пәйгамбәребезнең ( с.г.в.) хәдисе бар: “Аллаһның илчесе ( с.г.в.) ватылган савыттан эчүне һәм эчемлеккә өрүне тыйды” ( “Сахих ибн Хиббана”).

Ислам галимнәре мондый савыт куллануны катгый тыймаган, ләкин кирәксез гамәл дигән хөкем чыгарган. Алар пәйгамбәребезнең әлеге тыюы, савытның чатнаган, кителгән урыннарына җыелган зарарлы организмнардан саклану өчен дип язып калдырганнар.

                                                                                                                                                                                                                            “Рамазан” ислам календареннан.