Яңа елда 3 көн ял итәбезме, әллә 10 көнме?

Алдан Федерация Советы икътисади комитеты башлыгы яңа ел каникулларын 3 көнгә генә калдырырга дигән тәкъдим белән чыккан иде.

Хезмәт министрлыгы 2021 елда Россиядә яңа ел каникулларын 1-10 гыйнварда билгеләргә тәкъдим итте. Бу хакта ТАСС хәбәр итә.

"Хезмәт министрлыгы тарафыннан 2021 елда ял көннәрен күчерү турында РФ Хөкүмәте карары проекты әзерләнде. Ял көннәренең яңартылган графигы оешмалар һәм төрле категория гражданнар мәнфәгатьләрен исәпкә алып формалаштырылды, бу ял һәм эшләми торган бәйрәм көннәрен рациональ файдаланырга мөмкинлек бирәчәк", – дип аңлаттылар ведомствоның матбугат хезмәтендә.

Хезмәт министрлыгы шулай ук 2021 елның 31 декабрендә, бу көн җомга көненә туры килсә, ял көне итәргә тели.

Тулырак: http://zamansulyshy.ru/news/jemgyiyat/khezmt-ministrlygy-yaa-el-yallaryn-tkdim-itte