Яңа елга аяк басуга Балтач бистәсендә яшәүче Рәшит ага Нотфуллинга 90 яшь тулды

Рәшит ага Нотфулллин районга мәгълүм шәхес, тыйнак шәхес. Гомере буе халыкка игелекле хезмәттә булды.  Районда беренчеләрдән булып иминиятләштерү компаниясенә нигез салган кеше. Һәм кешегә бәла-каза килгәндә иң беренчеләрдән булып ярдәм кулы сузучы оешманың тәүге җитәкчесенә дә инде менә 90 яшь тулды. Эшләү һәм яшәү дәверендә файдалы киңәшләре, үткен, дөрес фикерләре,   ярдәмчеллеге белән  күңелләргә үтеп кергән  Рәшит аганы котларга улы, район башлыгы Рамил Нотфуллин, Рәшит ага үткән хезмәт баскычларын да үз җилкәсендә татып караган - “Россгосстрах”ның райондагы җитәкчесе булып эшләгән, хәзерге вакытта  башкарма комитет җитәкчесе Айдар Хәйретдинов һәм башка иптәшләр дә килде. Чын күңелдән котлыйбыз Сезне, Рәшит ага, исән-имин яшәгез, тыныч һәм бәхетле көннәр сезгә! Ә тулырак язманы  укучыларыбызга газетабыз битләрендә тәкъдим итәрбез.