Яңгул чүплеге урынында киләчәктә агачлар үсеп утырачак (+фоторепортаж)

Озак еллардан бирле күрше Киров өлкәсенә китә торган юл янәшәсендә урнашкан Яңгул чүплеге бер дә матур күренеш булып тормый иде. Ләкин шушы көннәрдә анда бик актив эш алып барыла, чүплек балчык белән капланып, ул территориягә агачлар утыртылачак. Экология елы уңаеннан башкарылган әлеге эш бөтен кешегә үрнәк булып, киләчәктә бирегә бер кәнфит кәгазе генә дә ташланмасын иде. Булганның кадерен белеп, кеше хезмәтен бәяләп, Җир-Анабызны хөрмәтләп яшәсәк иде.