Ясминә ШӘМСЕТДИНОВА: "Балтачыбыз көннән-көн матурлана"

Шушы көннәрдә яңа утыргычлар да куйгач, тагын да ямьләнеп киткәндәй булды. Яңа өйгә җиһаз алып кайтып куйганнар диярсең, игътибарны җәлеп итеп тора.

Янәшәдә ике балалар бакчасы булгач, кичке сәгатьләрдә әти-әни, әби-бабайлар ул-кызлары, онык-оныкчыклары белән бирегә кереп ял итеп кайтып китә. Алар кояш нурларында җемелдәп, күзләрне камаштырып, ургый-ургый аккан фонтанга карап, шул фонтан суында нәни кулларын чылатып уйнаган, тормышның матурлыгына ихластан сөенгән балаларга сокланып, аларның җиһанны яңгыратып көлгән шат авазларына сөенеп, азга гына булса да, тормыш мәшәкатьләреннән арынып, ял итеп алалар.