Ышанмыйм!

Ышанмыйм... үткәнгә, 
Минеке түгелдер...
Кагылмыйм күңелемә
Чайпалып түгелер...

Ышанмыйм...үпкәнгә, 
Минеке түгелдер...
Үбәр дә югалыр, 
Җан көлгә күмелер...

Ышанмыйм... көлгәнгә
Юк, миннән түгелдер...
Ул көлгәннең хәле
Миннән дә мөшкелдер...

Ышанмыйм... килгәнгә
Юк, миңа түгелдер...
Юлымда бер юлчы!!!
Монысы ят кемдер?!

Ышанмыйм ... киткәнгә
Юк, миннән түгелдер...
Күңелдә шау яз бит!
Хуш истә һәрбер гөл!

Ышанмыйм... көткәнгә
Юк, мине түгелдер...
Күзләре бүтәндә,
Насыйп яр сөенер...

Ышанмыйм... бу минме?
Бер мәле гомернең... 
Ышанмый дулаган
Чагы бу күңелнең...

ЛилияГарифуллина