Юлларны кичләрен дә кардан арчыйлар

Беркөнне социаль челтәрдә шундый җөмләгә тап булдым, юлчылар көне-төне эшли, җылы офис тәрәзәләреннән карап кына бәя бирмәсеннәр, хурламасыннар иде аларны,  диелгән инде анда. Чыннан да шулай, кар яудымы, кайчан карама, кая карама,  юлчылар юл чистарта, тракторларының эресе дә вагы да дәррәү килеп эшли, Камазлары кар ташый. Алар эшләмәсә, бу кадәр карны көрәп кенә бетерәм димә. Рәхмәт кенә әйтергә диешбез без юлчыларга. Кайда гына булсак та, кайчан гына булса да! Төн йокыларын калдырып юл эттерергә чыгып киткәннәре генә дә күпме бит!