Зәки Хәмидуллин бюстын Батырлар аллеясына куйсак урынлымы?

Озак еллар Балтач җирле үзидарәсен җитәкләп, лаеклы ялга чыккан Габделнур абый Газыймов җәмәгать эшләрендә  активлашып китте әле. Редакциягә әле бер мәсьәлә, әле икенче мәсьәлә буенча керә. Соңгысында Көек авылы турында китап күтәреп кергән. Шушы Көек авылында туган, гомер елларын Киров якларында эшләп-яшәп үткәргән Социалистик Хезмәт Герое Зәки Хәмидуллинның бюсты бистә уртасындагы Батырлар аллеясына куелса, урынлы булыр иде дигән тәкъдиме бар. Үз фикере генә түгел, гомуми тәкъдимдер инде ул. Хаты да бар.Газетада басылыр.

Зәки Хәмидуллин 33 ел урман кискән. Тәүлегенә 12-15 сәгать эшләгән, үзенә бирелгән планны берничә ел рәттән 150-200 процентка арттырып үтәп барган.