Зөя утрау-шәһәрчегенә тарихи комплексның туган көненә чакыралар
Бәйрәм 28 июль көнне 17.00-23.00 сәгатьләрдә үткәрелә.
(Казан, 25 июль, “Татар-информ”). Бу шимбәдә, ягъни 28 июльдә, Зөя утрау-шәһәрчегендә “Ленивый торжок” тарихи реконструкция комплексының туган көне” уздырыла. Бәйрәм “Тарихи фехтование һәм реконструкция үзәге” ассоциациясе ярдәмендә үткәрелә. Бу хакта Татарстан мәдәният министрлыгы сайтында хәбәр ителә.
Зөя (Свияжск) утрау-шәһәрчегендә күңелле һәм кызыклы вакыйгалар җиде ел дәвамында үткәрелеп килә.
Шимбә көнге "Туган көн" бәйрәмендә Урта гасыр хәрбиләре, осталар ярминкәсе, иҗади һәм бию мастер-класслары һәм өлкәннәр, балалар өчен күпсанлы күңел ачу чаралары булачак. Кояш баеганнан соң кунакларны факеллар яктысында “Фолк Фикшн” төркеме һәм әкияти фаер-шоу көтә.
Бәйрәм чарасы 17:00 сәгатьтән 23:00 сәгатькә кадәр дәвам итәчәк.
Шулай ук 17.00 - 20.00 сәгатьләрдә күңел ачу, бию буенча мастер-класслар, уеннар оештырылачак.
Өстәмә мәгълүматларны 8-987-063-13-64, 8-917-265-65-47, 8-987-003-07-47 телефоннары аша алырга була.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев