Балтачның “Автобабае” үзгәрмәде
Бәйгедә катнашучылар иң элек юл йөрү кагыйдәләрен белү дәрәҗәсен күрсәттеләр, ә аннан соң автодромда машина йөртү буенча көч сынаштылар.
Район юл хәрәкәте иминлеге дәүләт инспекциясе 55, 60 һәм аннан өлкәнрәк яшьтәге машина йөртүчеләр арасында “Автобабай-2019” конкурсы үткәрде.
Конкурсның максаты тәҗрибәле машина йөртүчеләрне юл хәрәкәте куркынычсызлыгын пропагандалауга тарту.
Бәйгедә катнашучылар иң элек юл йөрү кагыйдәләрен белү дәрәҗәсен күрсәттеләр, ә аннан соң автодромда машина йөртү буенча көч сынаштылар. Конкурс нәтиҗәләре буенча беренче урынны узган ел да җиңүче булып танылган Рәис Зыятдинов яулады. Ул район данын яклап, Өлкәннәр көненә багышланган конкурсның 1 октябрьдә Казанда узачак республика этабында катнашачак.
Район конкурсында җиңүчеләрнең барысына да истәлек бүләкләре тапшырылды. Икенче урынга – Равил Хафизов, өченче урынга Рамазан Фәрзиев лаек булды. Гөлзада Хөснетдинова – дүртенче, Асия Сафина бишенче булдылар.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев